Бурхан багшийн их дүйчин өдөр буюу Билгийн тооллын зуны тэргүүн сарын шинийн 15 өнөөдөр тохиож байна. Энэ өдөр үндэсний ууган үйлдвэр Сүү ХК Чингисийн талбайд зохион байгуулагдсан "Buddha Festival"-д оролцож, ариун цагаан сүү 
, сүүн бүтээгдэхүүнээ хэрэглэгч, монгол түмэндээ өргөн барьж буян хураах их үйлд оролцлоо 
.
Азийн бурхны шашинтай орнууд 2000 жилийн тэртээгээс тэмдэглэн ирсэн энэхүү өдрийг 1999 онд НҮБ-ын Ерөнхий ассамблейгаас Бурхан багшийн их дүйчин өдрийг олон улсын хэмжээнд тэмдэглэж байхаар шийдвэрлэсэн байдаг 
. Харин манай улс 2019 оноос Бурхан багшийн их дүйчин өдөр буюу зуны тэргүүн сарын 15-ныг нийтээр тэмдэглэх баярын өдөр болгон бүх нийтээр амрахаар болсон 
.
Уг өдөр Бурхан багш эхийн хэвлийд оршсон, номоо номлож хутгийг олсон, нирваан дүрийг үзүүлсэн гэх гурван том цаг хугацаа нэг өдөр давхацдаг учраас их дүйчин хэмээн нэрлэдэг аж 
. Тиймээс буян хурааж, сайн үйл хийхэд буян арвиждаг гэж үздэг учраас хүн бүр сэтгэлээ ариун байлгаж, буян хураах үйлд оролцдог байна
