Бид хэрэглэгчдийнхээ сэтгэл ханамжийг дээдлэн, тэдэнд экологийн цэвэр бүтээгдэхүүнийг нийлүүлж, эрүүл энх, аз жаргалтай амьдрах хүнсний аюулгүй орчныг бий болгохыг эрхэмлэдэг. Алдрай бяцхан үрсээс эхлээд ахмад настан, азай буурлууд хүртэл бүхий л насныхан бидний хэрэглэгч байдаг тул бид шат дамжлага бүрт өндөр хариуцлагатайгаар ажилладаг.
Сүү ХК-ийн борлуулалт, түгээлтийн сүлжээ нь нэрийн барааны дэлгүүр, гэрээт, сүлжээ, жижиглэн, бөөний төв, албан байгууллага, орон нутаг гэсэн сувгуудаар харилцагч, хэрэглэгч түмэндээ өдөр бүр эрүүл, шинэ бүтээгдэхүүнээ хүргэн ажиллаж байна.
Сүү, сүүн бүтээгдэхүүн нь тээвэрлэлт, хадгалалтын онцгой нөхцөл шаарддаг эмзэг бүтээгдэхүүн учраас зориулалтын хөргүүр бүхий автомашинуудыг борлуулалт, түгээлтийн сүлжээндээ ашигладаг бөгөөд бааз шинэчлэлт, сайжруулалтыг байнга хийн ажиллаж байна.